අභිනිෂ්ක්‍රමණය


මම බුකියෙන් අභිනිෂ්ක්‍රමණය විම ගොඩක් උන්ට ප්‍රශ්නයක්.ඒත් මචංල එහෙම වෙන්න හේතු ගොඩක් බලපෑව.ඇත්තටම කිවුවොත් මං ඒ ඉලවුව පරිහරණය කරන්න දන්නෑ.අනික තමා පට්ට විදිහට කාලය නාස්ති වීම.උදේ පාන්දර නැගිටල අත පත ගාල හොයල හොයල දුරබනුව අරන් ඉස්සෙල්ලම කරන්නෙ බුකිය පැත්තෙ රවුමක් යන එක..දන්නෙම නෑ ඇටි කුකුල බුක් ගෑමත් නතර වෙලා රිවි කිරන බර සාරෙට බිමට වැටෙනකොට තමා බුකිය අස්සෙන් ඔලු ගෙඩිය උස්සන්නෙ..ඉතින් වැඩට යන්න පට්ට පරක්කුයි.දත කට බාගෙට මැදගෙන තියන ඉලවුවක් ඇඟ වටේ ඔතාගෙන දුවනව ඔපිස්..ඔන්න ඉතින් ඔපිස් ගියා කියමුකො.ලොක්කන්ගෙ මූනු දෙබරු ඇනල වගේ කියපංකො.දේශපාලුවොන්ගෙ චන්ද පොරොන්දු වගේ මහ බොරු කන්දරාවක් පත බාන්න ඕනෙ ලොක්කො අස්සෙ ඉතින් පමා විමට කාරනාව විදිහට..දැන් කියන්න බොරු නෑ ඒ නිසාත් බුකියෙන් එලි බහින්න ඔන්න එකත් කාරනාවක් උනා.
තව කාරනාවක් තමා අනුන්ගෙ දුක් තමන්ගෙ කරගෙන දුක් විදිල්ල.ඛුකියෙ ඉතින් නානා විදියෙ දුක් ගැනවිලිනෙ තියෙන්නෙ කෙල්ල තරහ වෙලා කොල්ල අත කපාගෙන නැත්තම් යකඩ යකාට බෙල්ල තියන්න ගිහින්.ඕන් නැත්තම් සසර කලකිරිල පිලිකුල් භාවනාව වඩන්න පුලුවන් ඇටකටු පනු ගුලි උදේම බුකියෙ.ඕන් නැත්තම් දේශපාලුවෙක්ගෙ  කියපු කතාවකට කාටුන් එකක් ඇඳපු අත් වැඩ කාමරයක් කරගෙන බුකිය.ඉතින් උදේම අටලෝදහමින් කම්පා වෙලා තමා නැගිටින්නෙ.නැත්තම් හෙලු වැලි කෙල්ලෙක්කගෙ ලොට තන් දෙකක්.සසර කලකිරෙනව භොහොතකට.ඉතින් ඕව ඔලු ගෙඩියෙ පැලපදියම් උනාම කොහොමද කරන්න තියන වැඩක්වත් කොර ගන්නෙ.බුකි ඩිලිට් එකට ඔන්න ඔය සීන් කෝන් එකත් කාරනාවක් උනා.විශේෂම දේ තමා තමන්ගෙ උන් වෙනුවෙන් පාවිච්චි කරන්න තියන වෙලාව මේ ඉලවුව හින්ද නැති වීම. අන්ද මන්ද වෙනව මලේ එහෙම උනාම.අම්මල තාත්තල අහන ප්‍රශ්න වලදි මං කොර වෙනව බං ගෙදර.ඇයි යකෝ මං ලෝකෙ දකින්නෙ ඔය බුකිය අස්සෙන්නෙ.හරියට නොමේරූ ලදරු එකකෙ ඉඳල එලියට බැස්ස වගේ හැගීමක් එන්නෙ.අනික තව තව අවුල් වියවුල් ගොඩයි ඉතින්.පෙලක් වෙලාවට පවුල් ආරවුල් ඇති වෙන්නත් මේ බුකිය බලපාන අවස්ථා තියනව.ලඟ තියන වටිනාම සම්පත් උනත් නැති විමේ ප්‍රවනතාව වැඩී මේ ඉලවුව හින්ද.
ඔය ඇමරිකාව එංගලන්තෙ වගේ පට්ට පලවන ලෝකෙ රටවල්වල ඉන්න මිනිස්සු සමාජය එක්ක කන්ටැකට් එක අඩු නිසා ඇති උනාලු ඒ අයට මානසික ආබාධ ඒ නිසා ඒකට පිලියමක් ලෙසලුනෙ ඔය ඉලවුව හැදුව කියන්නෙ.මේක මං පාවිච්චි කරල උනේ තිබ්බ සම්භන්ධතාවන්ටත් කන කොකා හඬපු එක ඕං.මොකද ලංකාවෙ ඔය පලවන ලෝකෙ රටවල වගේ මානව සම්භන්ධතා ඒ තරම්ම කඩා වැටීමට ලක් වෙලා නෑනෙ.පෙලක් උන් හිතනව බුකියෙ නැත්තම් කොන් වෙනව කියල.නෑ ඒක එහෙම නෙවෙයි මට උනේ.ඒ බුකිය නිසා මං කොන් උනා.අනික සමාජ සම්භන්ධතා වගේම මානව සම්භන්ධතාවත් එන්න එන්න මගෙ අතින් ගිලිහිමයි මේ බුකි කෙරුවාවෙන් උනේ.හරියට අස්ස රේස් දාන බුකියක ඉන්න එකෙක් වගේ මං ඇඩිට් උනා.තව ටික කාලයක් ගියා නම් ඇඩ්මිට් වෙන්නයි වෙන්නෙ...
ඔන්න ඔය ඉලවු සේරම ගැන හිතල මං පුනුරුත්ථාපනය වෙන්න තීරනේ කරා...ඔයාලට මං එක්ක සංවාද කරන්න මෙන්න මේ දුකාගේ විමානෙට ගොඩ වදින්න අවස්ථාව තියනව.අපි කතා කරමු මේ ඉලවුවෙ වල් පල් වලට එහා ගිය මාතෘකා....එහෙනම් ඔයාලට ජය...

.... දුකා ......